فلسفه حجازيه من رحله الحياه

حته تلك اللحظه وحتي تلك الرحله القصيره نسبيا في الحياه قدرت أفهم تلت معاني مهمين قوي ربنا من عليا بفهمهم وهما:-

أولا:-.المعرفه

ثانيا :-المقاومه

ثالثا:-الصبر

أنا شايف أن أحنا من ساعه ما أتولدنا و أحنا بنبحث عن الأجابات و مليانين كتير سؤلات أول تفتيحه عين هي سؤال في وجه الحياه أنا مين

أنا ليه جيت هنا أنتوا مين .

وكل ما بنمشي في الحياه و نجاوب علي أسئله كتير وتوصلنا الردود ندور علي أسئله تانيه أكتر و أصعب و أعقد وأجبتها دايما بتكون أبسط فأنا شايف أن المعرفه جزء من تكوينا الفطري

تاني حاجه بقا المقاومه أن شايف أن أحنا ربنا من علينا بالحياه لأنه سبحانه وتعالي خلقنا بنقاوم من ساعه ما كنا حيوانات منويه و أحنا الحيوان المنوي القدر يقاوم من وسط ملايين الحيوانات المنويه الكانت أضعف مننا ومقدرتش تكمل المشوار علشان كنا أحنا القدرنا نوصل للبويضه الأنثويه و نخصبها بفضل الله و أستحقينا الحياه لأننا قدرنا نقاوم وأذا كنا أستحقنهاعلشان قاومنا يبقي مش هنقدر ننجح فيها غير لما نقاوم بردو كل الصعاب الهتوجهنا في الحياه دي

تالت حاجه بقي الصبربجد الصبر هو مفتاح الفرج والأنسان البيصبر بيكون عنده أمل و حلم بالوصول و بتعديل الظروف في ضوء المقاومه من أجل حلم الوصول للفهم وللحياه بشكل أفضل و أعمق