Monday, May 12, 2008

لما تكون قرفان


لما تكون قرفان

متضايق

و لما تكون مخنوق

مش طايق

لملم نفسك

بس دقايق

و أفهم أن

مزاجك

مش رايق

وبص شويه

علي أي خلايق

تلقي

الفوقك و التحتك

بردك مش طايق

أما الدنيا دي فيها عجايب

ما أنتش وحدك

يعني

يا خايب

ده كله

كليتشه

بيجري كويتشه

علي الأسفلت

السخن الدايب

أما الدنيا دي فيها

عجايب

روق صحصح

علي الطاسه

و قوم

مصمصلك كام

مصاصه

و دحرج قلمك

علي كراسه

هتخرج منه

أحلي رصاصه

تقتل همك

حزنك نوحك

و تكوي كمان

كل جروحك

و تصبح فايق

يا أبن الرايق

دي هي دقايق

بس إياك

تنسي المصاصه

أما الدنيا دي فيها

عجايب

خرجت للنور في 12\5\2008
في تمام الثالثه صباحا