ستين سنه
ستين سنه
الرحله بدأت من هنا
مشيت وطافت
و ف بلاد الله
شقيت وشافت
لفت وعافت
كتير نفوس متكدره
ستين سنه
ستين سنه
الحكمه أتولدت هنا
جواك ولسه مكمله
متأملة
في الكون الواسع
الفرق شاسع
مابين هناك
و ما بين هنا
لكن هنا
في حاجه منك متمكنه
من زمان
يجي من ستين سنه
ستين سنه
ستين سنه
ماشي تدورجواه هم الناس
ماشي بحسك الوناس
تداوي نفوس
فقدت طريقها
ف الخلاص
بحكمه..بكلمه...بأحساس
ستين سنه
ستين سنه
الطير يروح هناك
و يجي لهنا
يرسي هنا
ع البر تاني
يلبس تيجانه
و يمسك ريشته
و أزميله وصولجانه
يكتب علي حجر المعابد
كتابه
"وجع المصريين"
شغله الشاغل
رغم المشاغل
كتير بيشاغل
عقله لكن
ف قلبه ساكن
و كأنه ساكن
مع الغلابه
ف الطبور
لجل ياكل
العيش سخن و طازه
و كأنه بردك زيهم
نفسه يشرب العيال
لبن نضيف و لو أزازه
ما أنت بردك زيهم
نفسك تشم هوا نقي
زي العند كرسي الرياسه
لسه بردك هتحكي
عن الساسه
و عن الكياسه
والسفاله والسفاقه
بس ليه كانت الأفاقه
ده الشعب مبرشم
ومحشش و معالي طساته
و فاكر أنه باليل رافع رياته
خبط ليه في
أحباطاته
ده الشعب نايم
لما عفنت بطاته
وعقله بقي بطاطا
من ستين سنه
ستين سنه
يا حكيم
لما كشفت ع الوجع
دوست جامد
حركت جوايا الألم
ما تسيبه ساكن
لازم تخرج صديده
ده الوجع كامن
من زمان
يجي من ستلاف سبعين سنه
ستين سنه
ستين سنه
و لساك بتقاوم
الوجع ف كل الأماكن
ف الدلتا بطولها وعرضها
و الصعيد وسينا
يا ابن المدينه
لساك مقاوم
أنا بدعي ربي يوفقك
ده الجرح جايز
يلم علي نضافه
و تبقي أنت فايز
يارب تفضل
مصر دايما وعايز
مصر المعاصرة
تبقي كاسره
كل الحواجز
و تبقي لما تسند علي ضهرها
ثابت و راكز
ستين سنه
ستين سنه
الحكمه أتولدت هنا
جواك و لسه مكمله
ليجي 100 مليون
سنه
Posts
8 comments:
جميله حجازي... مفرداتك فيها جديده
وواضح انك بتقول حجات من واقع شفته وعشته
مبروك لك،،وعقبال ماتبقى مشهور زي الاستاذ خليل وكل عام وهو بخير وصحه وفي عطاءمستمر..ومتجدد
لك التحيه والاحترام
اختك في الله
أيتها الأخت الكريمه تحياتي لكي و اشكرك علي هذا التعليق الذي يشد من أزري و يرفع من معنوياتي و يدعمني لأستكمال المسيره للأفضل دائما بأذن الله و لكن هل لي أن أعرف من أنتي أيتها الأخت الكريمه
تسلم اخي الكريم على كلماتك وذوقك انااخت لك من قهوه كتكوت تابعت
اعمالك وشفت مدونتك وحبيت أهنيك على جديدك لاني من محبي الكلمات المعبره وعلم النفس ،واقول للدكتوركل عام وهو بألف خير وعقبال مانشوفك زيه قريبا
انشاءالله موفق دائمااتمنالك الخير والسعاده والتجدد للافضل
اختك في الله أونسي
لك التحيه وفائق الاحترام
أشكرك أيتها الأخت الكريمه وشكرا لكلماتك الرقيقه المهذبه و أتمني لكي التوفيق دائما أبدا
لافته طيبة ورقيقة منك يا حجازى حينما ترجم قلمك مشاعرك تجاه الدكتور خليل ..وسرد هذا العطاء الفياض
تمنياتى لك بالنجاح وتحقيق هدفك لما فيه كل الخير
أشكرك يا أختي الكريمه و صاحبه القلم الرشيق شاهيناز فواز و اتكني لكي التوفيق دائما أبدا بإذن الله و شرف لي أن تعلقي علي مدونتي و شكرا لأهتمامك و تشجيعك
جميل اوي اللي انت كاتبه ده ياحجازي ... واضح انك بتعز الدكتور جدا ... انا اسمي جوي .. وانا و صديق ليا عاملين جروب عالفايس بوك باسم كتابه الجديد (وجع المصريين)
وياريت لو تفيدني و تساعدني باخبار عن الدكتور عشان انشئ مواضيع عن الدكتور لاعضاء المجموعة و عشان نزود اعداد اعضاءها وتبقى من احسن مجموعات الفايس بوك ... شكرا جزيلا مقدما يا حجازي ... انا ليا مدونة هنا على بلوجر باسم انجي سليمان angie soliman
شكرا جزيلا ليكي يا أنجي بيتهيألي حضرتك الصحفيه النزلتي موضوع علي موقع المحيط و أنا نائب دكتور فاضل و معالج نفسي في العياده و بالفعل بحب دكتور فاضل لأنه بيعاملني كأبن له و أشرف بذلك و أتشرف أني تلميذه و أتمني لكي التوفيق دائما و أنا تحت أمرك في أي أخبار تحتاجيها و شكرا علي تعليقك الجميل
Post a Comment